2026 жылғы 28 қазанда сағат 13:40-та Алматы қаласының Жетісу ауданындағы Герцен көшесінде Mercedes-Benz Actros маркалы жүк көлігінің соқтығысуы салдарынан төмен қысымды газ құбыры зақымданды.
Жол-көлік оқиғасы салдарынан газ құбырының жерүсті аркалық өткелі, көшедегі газ тарату желісінің учаскелері, сондай-ақ екі жеке газ есептеу аспабы зақымданды.
Қауіпсіздікті қамтамасыз ету мақсатында «QazaqGaz Aimaq» АҚ Алматы өндірістік филиалының мамандары газдың шығуын оқшаулау бойынша шұғыл түрде алғашқы қажетті шараларды қабылдады.
Оқиғаға байланысты 12 жеке тұрғын үйдің газбен жабдықталуы уақытша тоқтатылды.
Оқиға орнына құқық қорғау органдарының қызметкерлері шақырылды. Газ құбырының зақымдану фактісі бойынша тиісті арыз беріліп, техникалық акт жасалды және қажетті құжаттар рәсімделді.
Қазіргі уақытта қалпына келтіру жұмыстарын ұйымдастыру және одан әрі қажетті шараларды қабылдау үшін ақпарат пайдалану қызметтеріне жолданды.
«QazaqGaz Aimaq» АҚ жүк және арнайы техника жүргізушілеріне газ құбырлары мен газ инфрақұрылымының басқа да нысандары маңында қозғалыс кезінде сақтық шараларын қатаң сақтау қажеттігін еске салады.