Түркістан облысының Төтенше жағдайлар департаменті мен «QazaqGaz Aimaq» АҚ Түркістан өндірістік филиалы өнеркәсіптік қауіпсіздік саласындағы өзара ынтымақтастық туралы меморандумға қол қойды.

Құжат өңірдегі газ саласының қауіпті өндірістік объектілерінде профилактикалық іс-шараларды жүргізу кезінде «Пергам» арнайы автокөлігін бірлесіп әрі тиімді пайдалануды көздейді.

Арнайы техника қауіп-қатерлерді уақтылы анықтауға және ықтимал апаттардың алдын алуға бағытталған жұмыстарды жүргізуге мүмкіндік береді.

Тараптардың бірлескен жұмысы өнеркәсіптік қауіпсіздік талаптарының сақталуын бақылауды жетілдіруге, төтенше жағдайлардың алдын алу жөніндегі өзара іс-қимылды нығайтуға және өңірдегі қауіпсіздік деңгейін арттыруға бағытталған.